Արմենուհի Կյուրեղյան

	Արմենուհի Կյուրեղյան
Դրոշ	ՀՀ ԱԺ 6-րդ գումարման պատգամավոր
2017 ապրիլի 2-ից
Կուսակցություն՝	ՀՅԴ
Կրթություն՝	ԵՊՀ կիրառական մաթեմատիկայի ֆակուլտետ
Գիտական աստիճան՝	Ֆիզիկամաթեմատիկական գիտությունների թեկնածու
Մասնագիտություն՝	մաթեմատիկոս և քաղաքական գործիչ
Ծննդյան օր	օգոստոսի 26, 1963 (61 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Քաղաքացիություն	Հայաստան
Հայր	Ստեփան Կյուրեղյան
Զավակներ	Երեք զավակ

Արմենուհի Ստեփանի Կյուրեղյան (օգոստոսի 26, 1963(1963-08-26), Կիրովական, Հայկական ԽՍՀ, ԽՍՀՄ), հայ մաթեմատիկոս, քաղաքական գործիչ, ՀՀ ԱԺ 6-րդ գումարման պատգամավոր (ՀՅԴ, «ՀՅԴ» խմբակցություն)^[1]։ Ֆիզիկամաթեմատիկական գիտությունների թեկնածու, դոցենտ^[1]։

Կենսագրություն

Ծնվել է 1963 թվականի օգոստոսի 26-ին Վանաձորում^[1]։

2006 թվականից ՀՅԴ կուսակցության անդամ է^[1]։

Կրթություն

1984 թվականին ավարտել է Երևանի պետական համալսարանի կիրառական մաթեմատիկայի ֆակուլտետը^[1]։ 1988 թվականին ավարտել է ՀՀ ԳԱԱ հաշվողական կենտրոնի ասպիրանտուրան։ Ֆիզիկամաթեմատիկական գիտությունների թեկնածու, դոցենտ^[1]։

Աշխատանքային գործունեություն

1988-1992 թվականներին եղել է ՀՀ ԳԱԱ հաշվողական կենտրոնի գիտաշխատող, 1992 թվականից աշխատում է Վանաձորի պետական մանկավարժական ինստիտուտի ինֆորմատիկայի ու տնտեսագիտամաթեմատիկական մեթոդների ու մոդելավորման ամբիոնում որպես դոցենտ։ 1993-2000 թվականներին աշխատել է ՀՀ սոցիալական ապահովության պետական ծառայության Վանաձորի տարածքային բաժնի նպաստների բաժնի վարիչ։ 2016-2017 թվականներին եղել է Վանաձորի ավագանու անդամ^[1]։

Հասարակական գործունեություն

1997 թվականից եղել է Համալսարանական կրթությամբ կանանց ասոցիացիայի Վանաձորի մասնաճյուղի քարտուղար, ապա՝ փոխնախագահ, նախագահ։ 2004 թվականից Համալսարանական կրթությամբ կանանց ասոցիացիային կից Կանանց լիդերության բարձրագույն դպրոցի ղեկավարն է։ 2005 թվականից աշխատում է որպես Քաղաքացիական նախաձեռնությունների Լոռու մարզային կենտրոնների ղեկավար^[1]։

2017 թվականի ապրիլի 2-ին Հայաստանի Հանրապետության խորհրդարանական ընտրությունների արդյունքում ընտրվել է Հայաստանի Հանրապետության Ազգային Ժողովի 6-րդ գումարման պատգամավոր՝ ՀՅԴ համապետական ընտրական ցուցակով^[1]։ ՀՀ ԱԺ 6-րդ գումարման Գիտության, կրթության, մշակույթի, երիտասարդության և սպորտի հարցերի մշտական հանձնաժողովի անդամ է^[1]։

Աշխատություններ

Երկու ուսումնական ձեռնարկի, մասնագիտական 30 հոդվածի հեղինակ է^[1]։

Ընտանիք

Ամուսնացած է, ունի երեք զավակ^[1]։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Արմենուհի Կյուրեղյանի կենսագրությունը ՀՀ ԱԺ պաշտոնական կայքում

[ՀՀԱԺպաշտկայք-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Արմենուհի Կյուրեղյանի կենսագրությունը ՀՀ ԱԺ պաշտոնական կայքում

[1]